نصائح سريعة و مهمة للتضخيم في الشتاء ...[Bulking]

نصائح سريعة و مهمة للتضخيم في الشتاء ...

أولا الأكل :

لازم تتخطى السعرات الحرارية اللي جسمك بيحتاجها يوميا بس متتخطهاش قوي يعني

 آخرك 500 ل 600 سعرة زيادة ؛ وطبعا لازم هتعمل دهون مع الضخامة احنا مش 

هنكدب عليك زي صفحات كتير بس الهدف إنك تقلل الدهون على قد متقدر طبعا الأكل 

يكون صحي عشان تستفيد منه كويس و يكون من 4 ل 6 مرات في اليوم و 

الكربوهيدرات تكون فترة الفطار و وجبة بعد التمرين بس.

ثانيا المكملات :

بشكل أساسي لو انت جيبك مخروم و معندكش فلوس زي كتير مننا خليك ذكي و خد 

كرياتين ( يفضل المونوهيدرات عن باقي الأنواع و الجرعة مش أقل من 5 جرام يوميا 

ولو زودت يبقى خير و بركة بس متزودش قوي آخرك 10 جرام في اليوم ) و طبعا 

الواي بروتين بتاعك ( مش مشكلة لو أخدته أكتر من مرة بس لازم تكون مرة منهم بعد 

التمرين مباشرة و اعمل حسابك في الجرعات عشان ميخلصش معاك و انت معكش 

فلوس هتحتاس! ) و لو انت نايم على قرشين حلوين هات أمينو و جلوتامين .

ثالثا النوم :

النوم عامل مهم لبناء الأجسام و ده موضوع كامل عملناه عن النوم و فوائده اضغط هنا .

رابعا :

العب تمارين الكارديو مرة او اتنين بالكتير احنا بنضخم و عايزين سعرات حرارية 

كتير متضيعهاش .

و أخيرا :

الحالة النفسية لازم تكون كويسة حاول تبعد نفسك عن الضغط العصبي و التوتر و 

خليك متفائل و متخليش حد يحبطك.