أسباب و فوائد ممارسة الرياضة

أعضاء وزوار موقع BULKING SEASON ،

مع بداية نشاط موقعنا بالكنج سيزون نحب نبدء من البداية خالص بمقال تحفيزي يعني لو انت لسه جديد في عالم الرياضة ، أوناوي إنك تبدء في ممارسة التمارين و بناء جسمك بناء سليم و تغيير حياتك تماما ( للأحسن طبعا ) أنصحك بقراءة الموضوع لأنه هينفعك كتير ، حتى لو كنت أصلا رياضي و بتتمرن بانتظام فالمضوع هينفعك من حيث المعلومات و يحفزك تتمرن أكتر و أكتر.

بشكل أساسي هنتكلم عن فوائد الرياضة  اللي هتقنعك كلها أو على الأقل بعضها بممارسة الرياضة فورا من غير تردد :

1- الرياضة بتقوي القلب و تحميه من الأمراض المختلفة ، زي جلطات القلب و انسداد الشرايين إلخ عن طريق تنظيم ضربات القلب و تدفق الم من القلب و إليه .

2- الرياضة تحمي من ضغط و سكر الدم تماما ، أما لو كنت أصلا مريض بالضغط أو السكر أو الاتنين مع بعض ، فالرياضة هتحميك من أعراضهم هجاماتهم المتكررة عليك إللي بتأثر على حياتك بشكل كبير.

3- الرياضة هتخليك تنظم وزنك و تتحكم فيه بشكل كبير إما بالزيادة أو النقصان و ده يعتمد على نوع التمرين و النظام الغذائي اللي بتتبعه ، ونوعدك إننا هنتكلم عن الاتنين دول كتير لأنهم من أهدافنا الأساسية في موقع BULKING SEASON . 

4- التمارين الرياضية طبعا هترفع من لياقتك البدنية و تديك الشكل المطلوب لجسمك و تحسن مظهرك و بالتالي هتحسن من حياتك كتير .

5- الرياضة عموما ( خصوصا رفع الأثقال ) تقوي العظام و العضلات و تحمي من هشاشة العظام لما تكبر في السن و تعجز D: .

6- الوقاية من السرطان بأنواعه المختلفة .

7- الرياضة تعلمك الالتزام و تعدل من أسلوب حياتك كتير عن طريق تغيير الشكل العام لجسمك و تعديل أسلوب أكلك و مواعيد نومك و تخليك تبطل عادات كتير غلط زي تدخين السجائر و الشيشة و تبعدك عن المخدرات و شرب الخمور .

8- الرياضة تفرز هرمون السعادة أو هرمون "السيروتونين" و تخليك سعيد ومرتاح نفسيا .

9- الرياضة تزيدك ثقة في النفس و تعلي من روحك المعنوية و نزيد الروح القتالية و تزود إفراز هرمون الرجولة الشهير "التستستيرون" و تزود من قدراتك العقلية عن طريق زيادة القدرة على التركيز و الفهم و الحفظ ، يعني لو هتبدء السنة دي و تلتزم في الرياضة و الدراسة أضمنلك إنك هتنجح السنة دي من غير مواد و الحاج هيرضى عنك D: ، أما لو كنت موظف أو عامل و بتشتغل هتساعدك إنك تتقدم في شغلك و فلوسك تزيد و مديرك يرقيك و يتبسط منك و برضو الحاج هيرضى عنك D: ، اهم حاجة رضى الحاج الله يطول في عمره D: .

باختصار الرياضة هتغير حياتك للأحسن و تنظمهالك و كل ده مش هياخد من وقتك كتير يعني لازم على الأقل من 3 - 5 ساعات في الأسبوع على 3 - 5 أيام في الأسبوع يعني مش هتاخد من وقتك كتير بس هتديك كتير ، لو كنت قرأت الموضوع ده و اقتنعت بيه أحب أقولك متستناش و تأجل إبدء من دلوقتي ، و لو مقتنعتش اكتبلي في التعليقات السبب و هناقشه سوا .

مستني تفاعلكم و تعليقاتكم و متنسوش تشاركوه ع الفيس بوك .

مع السلامه D;